IV EDICIÓN DE LA VUELTA AL COLE CONTRA LA LEUCEMIA INFANTIL

Este pasado venres 26 de outubro no noso colexio vivimos unha xornada de convivencia onde nos xuntamos toda a comunidade educativa (familias, profesorado e alumnado) para un acto de solidaridade coa ong @unoentrecienmil na loita contra a leucemia infantil, na cal fixemos unha carreira solidaria. 

Foi unha xornada intensa onde tod@s puxemos o noso gran de area para que todo saise perfecto, tal e como saiu, e onde IMAXON fixo un despliegue importante para que a carreira fose máis lucida. Gracias a tod@s!!!

A carreira fíxose dun xeito escalonado, onde primeiro sairon os de 5º e 6º de Educación Primaria, despois 3º e 4º e para finalizar sairon os de 1º e 2º e Educación Infantil e as familias. 

E tivemos a visita da TVG que nos fixo unha reportaxe para o programa "A Revista" onde entrevistaron a Pedro, o director do colexio, a unhas alumnas e a Elena, unha mamá de alumnas de Educación Infantil. Se queredes ver a reportaxe pulsa no seguinte enlace (aparece a partir do  minuto 4:01)

http://www.crtvg.es/tvg/a-carta/a-revista-3942584?t=287

Foi unha experiencia solidaria moi bonita e esperamos que moi útil e quedámosnos cunha frase dunha mamá cando estabamos correndo: " Estas cousas están moi ben, tiñamos que facer máis". 

Tomamos nota e moitas gracias a todos e cada un de vós que fixo posible esta carreira. 

EXPERIMENTANDO CON ESPUMA DE AFEITAR!

Pois este venres 26 de outubro a aula de 3 anos levou a cabo un taller de experiencias e desta vez usamos un material que case todos temos pola casa como é a espuma de afeitar! Preparámosnos cos nosos mandilóns, tiramos un pouquiño de espuma na mesa  diante de cada nen@ e como se pode ver, uns xa nos tiramos a xogar con ela, mentras outr@s ao principio actuamos con máis cautela. 😊 

Pero xogar coa espuma parecía tan divertido que prontiño caemos tod@s na tentación de extendela, xogar con ela, debuxar e garabatear nela!! Foi xenial ver como disfrutaban! E esa era unha das principais condicións: disfrutar e pasalo moi ben! 

Foi unha maneira diferente de traballar a psicomotricidade fina e unha experiencia sensitiva moi divertida!

VISITAMOS O AEROPORTO!!

O pasado mércores 24 de outubro o alumnado de Educación Infantil fomos facer unha visita guiada ao aeroporto de Santiago de Compostela, que o temos ao ladiño do colexio e onde temos moitos familiares alí traballando. Alfonso explicounos durante a visita todo o que estabamos vendo e visitando, e tamén nos identificou cunha pegatina para poder pasar. 

Tivemos a sorte de poder estar na torre de control e para poder subir fixémolo nun ascensor transparente que nos encantou e tivemos que subir ata o piso número 7!! Que altos e altas estabamos!!!  Alí poidemos ver despegar un avión. Que emoción!

Despois fomos andando ata a terminal e alí poidemos pasar polo control, onde tod@s tivemos que sacar as chaquetas e metelas nunha bandexa!! Explicáronnos un montón de cousas e estamos moi agradecidos tanto a Alfonso como a Elena (mamá de Alma e Mencía) e a Débora (mamá de Xoana) por acompañarnos nesta visitiña tan especial!!!

AS FAMILIAS COMEZAN A ENTRAR NAS NOSAS AULAS

Hoxe na sesión de talleres conxuntos de Educación Infantil veu a mamá de Manuel a contarnos uns contos. O primeiro conto titulábase "OSO QUIERE VOLAR" e poidemos coller unha pluma de cores cada un, como facía o oso no conto. Que bonito! 

Despois poidemos escoitar un conto que non pode faltar en ningunha aula de infantil porque a pesar de lerllo e contarllo varias veces, sempre están dispostos a volver a disfrutar coas andainas da toupiña. Estamos falando de "A TOUPIÑA QUE QUERÍA SABER QUEN LLE FIXERA AQUILO NA CABEZA" . É un clásico que nos ten fascinad@s!!! Marabilloso!

Gracias Ana, foi un pracer gozar desta experiencia, e desde o equipo de infantil encántanos que as familias vos involucredes na vida das aulas!! 

PINTANDO CON PALLIÑAS

Canto nos gusta en Educación Infantil xuntarnos e facer actividades conxuntas. A semana pasada foron as aulas de 3 e 5 anos as que se xuntaron para escoitar o conto de "Cocorico" (un conto que anque o lemos un montón de veces encántanos volver a escoitar e aprender a súa canción). Despois de ler o conto colleron o seu blog de debuxo e debuxaron as personaxes. 

PREMEDE AQUÍ PARA PODER DISFRUTAR DESTE CONTO!

E hoxe luns os que se xuntaron foron os peques de 3 e 4 anos para pintar coas palliñas. 

Mirade, mirade que ben o pasamos! Somos uns e unhas artistas!!!

E unha das cousas que máis nos gusta...ver como os maiores axudan aos peques!! Desta vez os maiores axudáronlle aos de  3 anos a poñerse o mandilón para poder pintar! Unha marabillosa oportunidade de aprender, axudar, compartir....

VISITAS INESPERADAS PERO MOI EDUCATIVAS

Este pasado martes tivemos dúas visitas de seres da natureza da man do profe Antón e de dous alumnos de 3º de Educación Primaria. 

Na primeira visita veu o profe Antón cunha lupa de observación, e os peques xa saben que cando o profe vén polas aulas con estes aparellos...algo novo e interesante vamos a aprender, así que ...acercámonos e ...

UNHA CANTARUXA OU CARRICANTA!!

Estivemos observándoa e despois na hora do recreo deixámola libre na nosa horta. 

E a segunda visita veu da mán de Mateo e Pablo de 3º de Educación Primaria e a súa profe María Jesús e trouxéronnos dous ourizos cachos. 

Estes mamíferos insectívoros apareceron na casa de Mateo e pensaron que sería boa idea traelos ao colexio, investigar sobre eles e despois ilos ensinando polas clases, e que boa idea tiveron! 

Contáronnos que poden comer froita, verdura e que lle gustan moito os insectos, pero que non lle sentan nada ben a sandía, a piña, uvas ou alimentos con lactosa. 
Despois de que viramos tod@s @s alumn@s do colexio os dous ourizos cachos volveron a deixalos en liberdade, posto que non son animais de compañía e é onde deben estar. 
Moitas gracias por estes momentos tan especiais e cheos de entusiasmo para os nosos peques! 

PRIMEIRO ROTEIRO DE INFANTIL.

Este luns, día 8 no taller conxunto de Educación Infantil fixemos un roteiro polos arredores da escola. 

Alá vamos!!

Puxemos as nosas gorras, fixemos parellas e collemos unhas bolsas para ir gardando as cousiñas de outono que nos atoparamos no camiño! E xa estabamos preparad@s!!

Apañamos follas, landras, paus, piñas...que de seguro encontraremos actividades que facer con elas nas nosas aulas. Escoitamos paxaros e ata coincidimos cun montón de peregrin@s, aos cales lles desexamos  "bo camiño". 

O que fomos atopando...

Foi unha boa experiencia para ir aprendendo a disfrutar da natureza e de camiñar ao aire libre! Seguro repitiremos! 

VISITA MOI ESPECIAL NA AULA DE 4 ANOS.

O pasado venres 5 de outubro na aula de 4 anos tivemos unha visita moi especial. María tróuxonos á súa mascota, unha cadela preciosa chamada Moli, ou "Mochi". Moli viña con collar pero ao chegar á xunta nós María sacóullo e púxose a investigar a nosa aula, aos nenos e nenas... e poidemos acariciala, tocala e ata paseala co collar e coa axuda de María. Estaban moi emocionados e emocionadas!!!

Pero a María tamén lle dou tempo a contarnos cousiñas sobre Moli. Díxonos que tiña 11 anos, que a súa mamá se chamaba Coca, que lle gusta xogar a que lle tiren unha pelotiña e ir a buscala, que dorme con María (pero que non ronca jaja), que come pienso, que quen a baña é o papá de María pero que María axuda a paseala. 

Foi unha experiencia moi bonita. Gracias María!!!

A PROFE LORENA CONTÓUNOS A SÚA VIAXE A ÁFRICA!

O pasado martes, 2 de outubro, volvemos a xuntarnos as tres aulas de Educación Infantil para que a profe Lorena nos contara a súa viaxe por África durante este verán pasado. Se recordades o proxecto anual do centro do curso pasado foi África, polo que tiña moita significatividade para nós. 

 Ela estivo en Mozambique e visitou a escola de Lifidzi, onde @s nen@s e os profes a acolleron e lle abriron as súas portas para compartir distintos momentos e experiencias. Lorena levóulle canicas, unha comba, rotuladores, debuxos da súa clase de 4 anos e ela veu cunha carta destes nen@s dirixida aos seus alumn@s. Tamén bailaron varias cancións (Lorena ensinóulles a cantar e bailar unha canción xa moi coñecida por nós: "Indo eu a caminho de Viseu").

Serviunos para comprobar as enormes diferencias que hai á hora de ir á escola entre un/unha pequech@ de Galicia e un/unha pequech@ de Mozambique. 

Tamén nos ensinou vídeos e fotos do safari que fixo (onde puido ver un elefante, impalas  e ata un león) e do mercado que visitou. 

Cantas cousas aprendemos !! Gracias profe Lorena!

A NOSA PRIMEIRA SAÍDA!!!

O pasado luns día 1 de outubro o alumnado de Educación Infantil fixemos a nosa primeira saída escolar. Fomos visitar o Parque da Alameda, unha actividade organizada polo Centro de Interpretación dos Parques e Xardíns de Compostela (CIPX). Consistiu nunha visita guiada onde unha guía deste Centro citado nos estivo ensinando o Parque da Alameda e onde puidemos ver algúns dos  lugares máis significativos deste lugar. 

Poidemos ver, saudar e tocar ás Dúas Marías, que tamén son chamadas as "Dúas en punto" e que foi onde dou comezo a nosa visita. Despois fomos ver os patos e o cisne negro que hai, para logo subir ao palco da música.

Vimos a fonte do ollo na cal había cágados, os eucaliptos centenarios, tocamos pétalos de rosas...e tamén cantamos "Adiós rios, adiós fontes" diante da escultura de Rosalía de Castro e abrazamos e tocamos a de Valle-Inclán.

Foi un pracer visitar e coñecer máis un parque tan especial como é o Parque da Alameda!!!