MATRIARCAS

CAN DE PALLEIRO VEU A VISITARNOS!

O luns os peluches de cans invadiron as nosas aulas de Infantil e era por unha razón importante: veu o "Club Raza Can de Palleiro" a visitarnos ao colexio. Can de Palleiro é a raza de can autóctona de Galicia.

Primeiro Patricia explicounos os coidados que se lle deben prestar aos cans, como actuar cando nos atopamos con algún can e tamén nos ensinou fotos e vídeos de rutinas que se deben dar: pasealos, darlle de comer, bañalos, deixalos descansar...

Despois fomos ao ximnasio e ali poidemos peitear, poñerlle o colar, darlle de comer e poñer a durmir os nosos peluches.

Pero chegou unha sorpresa moi especial: LOIRA!!!!

Que quen é Loira???? Mirade!

Pois Loira é unha cadela de Palleiro que nos trouxo Iago. Unha cadela moi boa e que deixou que a acariciásemos. 

Moitas gracias ao clube Can de Palleiro, pola visita e explicacións.

E unha vez que tiñamos os peluches no colexio pois...

Puxémolos ao sol!

Paseámolos

Pasámolo moi ben! 

PIRÁMIDE DE ALIMENTOS

O pasado martes veu ao noso colexio Alba, unha monitora da Escola Galega de Consumo para falarnos da alimentación saudable. Primeiro collemos cada un unha tarxeta dun alimento e contámoslle aos demais como nos gustaba comer ese alimento.

Despois presentóunos a pirámide dos alimentos e fixemos un xogo onde tiñamos que colocar os nosos alimentos no lugar que lle correspondía.

Falamos de que hai uns alimentos máis saudables ca outros, aprendemos palabras tan difíciles como "hidratos de carbono" e que debemos beber moita auga, facer moito exercicio físico, comer froita e verdura 5 veces ao día e non comer moitas gominolas e doces...

O noso agradecemento a Alba e a Escola Galega de Consumo por organizar este tipo de actividades.

A FUNCIÓN VAI COMEZAR! E comezou na clase de 5 anos!!

O luns pasado volvemos a xuntarnos as tres aulas de Infantil para facer os nosos talleres conxuntos. Desta vez subimos á aula de 5 anos para ver como os nos@s compis representaban dúas obras de teatro.

A primeira foi "A min non me comas" que é un conto que nos representaron as familias no Samaín e que nos gusta moito! 

A segunda obra foi "A bruxa regañadentes"  que fixeron moi ben. 

SORPRESA EN 3 ANOS: A que sabe a lúa!

Os peques de 3 anos e a súa titora Ángeles invitáronos á súa aula porque tiñan unha sorpresa moi especial. A profe repartiu entre os nenos e nenas varios animais...

Eran as personaxes do conto que tanto nos gusta, " A que sabe a lúa". Empezamos! Estamos moi atentos e atentas para saber canto nos toca saír e así axudar aos animais a tocar a lúa!! 

E ao final conseguiron chegar a lúa e o rato arrincoulle un cacho e probouna! A que saberá? Doce, salgado...?  E se a probamos nós tamén? Está moi alta claro, pero a profe tróuxonos unha pequeniña lúa para probar. 

Para algúns estaba rica (que ata querían repetir) anque para outr@s a lúa non é moi apetecible. O que sí...canto disfrutamos!! 

Gracias compis!!! 

SESIÓNS DE RELAXACIÓN

Esta semana @s peques de 3 e 4 anos xuntáronse varias sesións para facer relaxación e aprender a calmarse, prestar atención, etc.

 Colocámosnos en roda, ben sentadiños na postura da ra para estar cómodos e apagamos as luces. Empezamos.

Atent@s ao reloxo de area! Facemos respiracións conscientes mentres o reloxo vai baixando. 

E despois repartíronnos lacasitos, un para cada un e fixemos unha proposta moi complicada: poñer o lacasito na lingua e esperar a que baixase o reloxo de area sen comelo. A algún peque costóulle aguantar o impulso, pero fixérono moi ben. 

E tamén traballamos a atención cun xogo onde hai varios obxectos debaixo dunha tela e hai que fixarse moito porque a profe vai ir quitando un e hai que saber cal. 

Estámolo facendo cada vez mellor, así que seguiremos practicando.

AQUILES O PUNTIÑO

Este conto de "Aquiles o puntiño" foi o protagonista do taller do venres pasado en 3 anos. Aquiles foise formando a partir dun puntiño case transparente que apareceu nun folio branco e que se foi convertindo nun puntiño azul e ese puntiño azul nun ollo. E a partir de ahí fíxose medrar as diferentes partes do corpo. 

Despois de facer un xogo para ver a quen lle tocaba saír, pois collemos papel continuo e fixemos o contorno do corpo dun dos nosos peques. Que ben o fixo e que atent@s estaban tod@s os demais! 

Unha vez feito o contorno, faltábanlle cousas, así que...MANS Á OBRA! Debuxámoslle os ollos, a nariz, a boca, as orellas e o pelo e colocamos cada tarxeta onde correspondía. 

E aínda nos quedaba unha sorpresa: unha caixa misteriosa na cal para poder sacar o que había dentro había que tapar os ollos! Que divertido! 

E que había na caixa? 

Pois uns calcetíns, unhas manoplas, un cepillo de dente, un peite, uns bastoncillos, un paquete de pañuelos e unha gafas de sol. E como non, puxémoslle cada cousa no seu sitio.

E se collemos uns rotuladores? 😃

 Pois boa idea! A pintar!!! 🖍️

E para rematar....🎵 música e baile

Premede  aquí e podedes bailar e cantar na casa a canción da formiguiña titulada "Fun ao mercado"